Malikhaing daliri

Durungawin mo ba Ang Liwanag na Naaninag

2009-03-11T18:16:00.000-07:00

Madilim ang paligid, tahimik at payapa ang daloy ng panahon. Isang liwanag ang natanaw ng minsang lumakad at pasukin ang madilim na lugar. Kung iyong susuruin ang mga bagay sa loob ng lugar na ito ay mapapansin mo ang mga bakas at mararamdaman ang hangin na magpapaalala ng mga panahon at mga taong minsan ay naimbitahan at naipakita kung ano ang tunay na nilalaman ng damdaming malalim. Ang lugar na matagal na nakasarado ay nagkaroon ng puwang at tumagos ang liwanag na nanggaling sa dati'y tila isang matuwid na damdaming walang buhay na ngayon ay naglalaman ng magkahalong kaligayahan at pangamba. Napakagandang damdamin sapagkat hinde lang isa, ngunit dalawang damdamin ang nadarama na sumisimbulo ng balanseng bagay, balanse sapagkat hinde ka lang maligaya ngunit may halo ka ring pangamba. Sabi nga ay hinde mo mararamdaman ang magandang bagay kung hinde mo mararamdaman ang kasalungat nito. sa makatuwid ay maari mong subukin ang sarili mo kung alin ang magiging matimbang, Ang masayang bagay ba o ang mga bagay ng magdudulot na pangamba at matamlay na damdamin.Ang mga bagay na iyan ay maaring mangyari sa pamamagitan ng iyong sarili, at kung paano mo ibabahagi ang sarili sa bagay na ikinasisiya mo at sa bagay na nagpapaliwanag sa madilim na lugar na iyong muling binuksan. Isang malaking katanungan ang gumuguhit sa damdamin kung tuluyang papapasukin ang liwanag na natanaw o pipigilan sapagkat kung mangyayari ay maaring masilaw lang at masira ang mata ng damdamin na mangangailangan na naman ng panahon upang muling maghilom. Sa ngayon ay naiisip na kailangan mo nang tanggapin kung ano man ang darating sapagkat hinde ka magging maligaya kung hinde mo bubuksan ang liwanag na napuna. Buksan at harapin ang hamon, damdamin ang mga bagay na maaring maramdaman. Tagumpay man o hinde, iwasan ang paghakbang pabalik sa halip ay palampasin ang mga darating na dilim, patuloy maglakad upang marating ang dulo ng liwanag, Huwag magsasawa sa halip ay magsimula ng magsimula.

Panahong may ngiti sa mga labi

2009-02-17T08:46:00.000-08:00

Yung panahon na hinde mo pa kilala ang mga problema.
Ang kilala mo lang ay ang mga ngiti na nakaguhit sa bilog ng iyong maamong mukha at ang mga kalarong may ngiti sa labi.
At kung minsan ay hikbi dala ng pagkabata.
Ang mga panahong hinde mo pa nararanasan ang magpuyat sa dami ng kailangan mong tapusin sa eskwela.
Ang mga panahong tumutulo lamang ang mga luha sa mata ng dahil sa walang halagang laruan.
Ang mga panahong hinde mo kailangang magisip kung ano ang mga dapat mong gawin upang maging balanse ang takbo ng sarili habang nglalakbay, naglalakad sa daanan ng panaon.
Walang gabing dapat mapuyat dahil may kailangang tapusin sa opisina o walang problemang iniisip dahil apektado ka sa mga nakikita mo sa paligid, hinde man sa sarili mo ngunit sa ibang taong nakapaligid sa'yo na kapag apektado ay tatlo hanggang apat na beses mong mararamdaman kung anu mang problema ang dinarama nila.
Medyo malayo na rin pala ang narating ko sa aking paglalakad, hinde ko na namamalayan na unti-unti nang nasisira ang tinutungtungan kong tsinelas na kaagapay simula noong matuto akong tumayo at maglakad sa sariling paa.unti-unti na itong masisira, mawawala at mpapalitan habang tumatawid sa mabatong daanan ng panahon..
Masarap balikan ang nakalipas ngunit hinde ka maaring huminto sa dating panahon, kailangan mong harapin kung anu ang naghihintay para sayo sa dulo ng mabatong daanan na kailangan mong lakaran. sa bawat hakbang, sa bawat pag-ihip ng hangin, sa bawat pag-agos ng tubig ay kasama kang mamamangka patungo sa nais mong matamo. :-)

**http://flickr.com/photos/jerricc8
*http://jerricc8.multiply.com

Flickr Pilipinas Photo Exhibit/Contest

2008-10-15T17:49:00.000-07:00

Hahay!! Napakasarap isipin na ang mga larawang pagaari mo ay tinitignan ng maraming tao. Kamakailan lamang ay nagdesisyon ang Flickr Pililipinas upang mgkaroon ng isang photo contest/exhibit at nagkataon naman na bahagi na ako ng grupo na naging dahilan para aking mailahok ang aking larawan sa exhibit na may pamagat na " 88 on 08.08.08 Ikatlong Banat na 'to! " . narito ang ilang detalye na nanggaling sa Flickr Pilipinas group.

88 on 08.08.08
Ikatlong Banat na 'to!

The number “8” is considered a perfectly balanced symbol. When laid sideways, it turns into the infinity sign. Its meaning to different cultures is just that—infinite. It can represent prosperity or wealth, but some also perceive it as an unlucky number. It means resurrection for others and destruction for some. Eight represents enlightenment, perfection, a day of rest or rock-and-rollin’ love.

This August 8, 2008 (08.08.08), let us explore the infinite meaning of the number 8 as Flickr Group Philippines (www.flickr.com/groups/pilipinas), invites the Filipino Flickristas to 88 on 08.08.08.

Hobbyists and professionals alike who are members of the Flickr Group Philipines are called to show interpretations of the number “8”. The first 88 pictures to be posted automatically become part of a photo exhibit on Oct. 15-18 2008. Out of the 88 photos, eight will be adjudged winners. Great prizes and Flickr pro accounts are up for grabs!

Halina't bumisita ang tignan ang mga larawan.

Master Rapper Ramon Bautista at Nescafe

2008-09-29T19:24:00.000-07:00

Maraming natutuwa kapag si Ramon na ang nakita, kapag si Ramon na ang nagsalita dahil na rin sa kanyang napaka galing na talento pagdating sa TV o Radyo. Sa katunayan ay marami na rin syang tv shows o radio shows na nagagawa, katulad ng sikat na sikat na Brewrats na mapapakinggan mo simula Lunes hanggang Huwebes, ika-9 hanggang ika-12 ng hatinggabi at marami pang tv shows na hinde ko na matandaan sa dami. Wasak sabi nga nila sa brewrats na kasama din si Angel at Tado.

Teka kaya ko nga pala sinulat to ay dahil sa patalastas, oo bagong patalastas ni Ramon Bautista, patalastas ng Nescafe. Kung natatandaan nyo ang mas naunang patalastas ni Ramon. Yun yong PETRON SPRINT astig diba? tlagang tatawa ka at gusto mong ulit-ulitin hanggang makabisado mo na ang linya at baka mapabili ka pa nung petron sprint motor oil kahit wala ka namang motor dahil lang natuwa ka sa patalastas. Ngayon naman ay yung nescafe commercial na kasma si master rapper ng Pilipinas na si Francis M. pero ang sabi ni Ramon sya daw ang master rapper. hahaha!! natuwa naman ako dahil magaling ang pagkagawa nung patalastas. palistuhan sila ni Francis M. pag-rap kase ang sabi daw kung rapper ka daw kelangan listo at hinde nabblanko pero si Ramon?? haha! panoorin nyo na lang yung commercial ng nescafe tiyak na matutuwa ka at tatawa ka sa galak. Isa na namang masigabong palakpak ang ibigay natin sa bagong master rapper ni si Ramon Bautista. Ramon Bautista at ang Nescafe. yeah men!!!!

Ang simula ng karugtong

2008-09-29T18:11:00.000-07:00

Nandito na naman ang aking malikhaing pagiisip upang magsiwalat ng mga bagay na hinde tiyak kung masisiyahan ang mga mambabasa sa saking ilalathala, nung una ay inisip kong hinde ako mkakapagsulat ng tinatawag nilang blog ngunit aking napatunayan sa sarili na hinde nga pala ako mkakapagsulat. Bakit parang ang labo? hinde ako mkakapagsulat pero heto ka at binabasa mo ang aking sinulat. Magulo ba? hahay wag mo nang isipin at hinde talaga tayo mgkakaintindihan sa aking mga sinusulat. Magbasa ka na lang at sundan ang mga kwentong ilalathala na aking isip sa tulong ng aking mga daliri.

Sinimulan kong magsulat nung makabasa ako mga tagalog na tinatawag nilang blog, na enganyo ako dahil na rin siguro sa madaling mabasa ito at hinde mababagot ang mga mambabasang Pinoy lalo na't tagalog pa ang mababasa nila. Para sa akin mas masarap kung susulat ka gamit ang sarili mong wika. Pero paano naman ang mambabasang hinde marunong umintindi ng tagalog? Ah eh wala na akong pakelam dyan basta ginawa ko ito para sa kapwa ko Pinoy pero wag kayong mgaalala dahil susulat din ako gamit ang salitang banyaga. Sa ngayon ay nagiipon na ako ng aking gagamitin dito katulad ng yes,no,sorry, whatever, everyday, i love you, i hate you, i miss you and etc. etc. oh ok ba? na sampolan ka ba ng aking english reserved words? but wait there's more! im fine, good morning, good afternoon, good night at etc.etc. haha!! mukhang nagging corny na ang aking isinusulat pero basta bahala na kayong mag-tyaga kung ano man ang nakasulat dito.

Nakow humaba na ata ang aking introduction, sumulat lang naman ako para ipalaam kung anu ang ginawa o gagawin ngayong araw. Lumilipas ang oras ang hinde ako nkakagawa ng trabaho ko dito sa aking opisina. Sa halip na ginagawa ko ang mga web based system o yung mga kompyuter program na ginagamit sa pmamagitan ng isang web browser na unang naging sikat ay ang INTERNET EXPLORER ng aking mga among banyaga ay inuna ko pa itong blog kuno na sinusulat ko ngayon. Maya-maya ay makikipag usap na naman ako sa among nasa ibang bansa upang ipaliwanag kung ano man ang natapos ko nang gawin at kung may mali man ay ipababago niya at dudugo na naman ang ilong ka sa pakikipag usap sa mga kanong to. Ganito lang ang aking trabaho simula martes hanggang sabado. Nagsisimula ng ika-pito ng umaga hanggang ika-4 ng hapon kung sswertehin at natapos na ang aking mga trabaho pero kung mamalasin ka at kelangan mong tapusin ang mga ginagawa mo sa isang araw ay mananatili ka pa sa opisina ng ilang oras upang matapos ang mga proyektong iniaatas. Patay!! wala na patay na ang social life. bagsak ang sariling kasiyahan at pano pa mkaka pang chics? haha!! O paano ngayon na ang oras upang tawagan ang aming amo, ako'y mgpapaalam na muna at abangan kung ano ang nangyari sa usapan namin.

Maghintay ng kasunod kung ika'y natuwa sa aking sinulat at kung hinde naman ay tumahimik at maghanap na iba pang mas interesting na babasahin at hinde ito. haha!!

Maligayang pagbabasa at kung naabot mo itong huling parte ng mensahe ko ibig sabhin ay pinagpatuloy mong basahin at hinde ka nabagot sa kalagitnaan ng nilalaman o kaya naman ay tinapos mo at naghahanap ka pa ng magandang sinulat ngunit nabigo ka at natapos ng wala kang napala. :D

Nabulag ng Damdaming nadadala ng Hangin

2008-09-29T18:04:00.000-07:00

Humantong na naman sa panahon na nagpupumiglas ang mga diwa at damdamin na animo'y libo-libong bagay na napiit sa isang napakaliit at madilim na sulok ang lumabas sa isang katauhan na naging instrumento para magpahayag ng damdamin, muli na namang napuno ang tila imbakan ng mga nakaraan at kailangan nang ilabas upang tanggapin ang mga panibagong damdamin na haharapin at mararamdaman at muli na namang ilalabas pagdating ng tamang panahon. Ito ay isang ehersisyo ng buhay, buhay ng mga tao na itinutulay ang mga nararamdaman sa pamamagitan ng pagsulat.

Noong una, parating sumasagi sa isipan na hinde maintindihan ang mga bagay na nararamdaman at nakikita sa isang tao, nalilito kung bakit minsan ay hinde sigurado sa nararamdaman ng ibang tao para sa aking sarili na tila isang larawang kupas na hinde mo makita ang anyo. Pinipilit na makinig sa isang panig na ang tinig ay nagmula sa artipisyal na boses, artipisyal na boses na nangangahulugang maaring dayain ang lumalabas na salita sa mga dila. Ang dila na may kapangyarihang luminlang at lumason ng isipan ng bawa't isa. Minsan na rin akong nalinlang nga mga mapagpanggap na damdamin, ngunit sa huli ay natulungan ng isang tunay na kaibigan at lagi mong kasama, ang kaibigang maasahan mo hinde lamang bahagya ngunit tiyak at garantisado, tiyak sapagkat siya lang ang makapagsasabi at mgpaparating sa'yo ng tunay mong nararamdaman. Ito ay ang dila ng iyong damdamin, ang dila ng iyong sariling damdamin, ang dila ng iyong damdamin na sumisigaw ngunit madalas ay hinde makaagaw ng atensyon sapagkat nakublihan ka na ng ingay na nilikha ng maling paniniwala.

Lahat ng mga katanungang gumugulo sa iyong isipan ay may angkop na kasagutan na mangangaling sa iyong sariling damdamin, ito lang ang tanging makakapagsabi kung ano ang tunay na kasagutan. Maglaan ng pakikinig sa sariling damdamin upang hinde makublihan ng mga damdaming nadadala ng hangin.

Sino ang nagmamay-ari ng Anino mo?

2008-09-29T18:00:00.000-07:00

Minsan hinde nalalaman ng isang tao ang kanilang ginagawa, ngunit ang minsan ay lumalabas lamang isang beses sa sampung pagkakataon, nangagahulugan na ang ginagawa nang isang tao ay tiyak na alam nito.

Alam natin sa sarili natin kung kumportable ba tayo sa ating ginagawa, o ginagawa mo lang ang bagay dahil sa ito ang nauuso, ito ang nakikita mo sa mga taong nakapaligid sa'yo, hinde mo kinakailangan gawin ang ginagawa ng nakakarami, hinde mo kailangang tularan ang lahat ng nakikita mo, bagkus ay gumawa ka ng mga bagay na likas sa iyong sarili, ang mga bagay na alam mong sa sarili mo nanggaling. Huwag mong hanapin ang ibang tao sa sarili mo sapagkat lahat ng tao ay hinde pare-pareho. Kung ano ang nakikita mo sa sarili mo ay makuntento ka na, Huwag mong piliting maging katulad ng ibang tao dahil sa huli ay hinde mo rin ito makakabuti para sa'yo at para sa ibang tao. Mas mabuting gawin mo ang mga bagay na makakabuti sa sarili mo at makakapagpaunlad ng sarili mong pagkatao, at nakakapagpanatag ng loob mo, hinde ang ang pagpapanatag mo sa mata ng ibang tao dahil kahit kailan hinde ito mangyayari hangga't hinde mo nakikilala ang sarili mong anino. Gumawa ka ng sarili mong anino, at huwag kumukubli sa anino ng ibang tao, dahil baka isang araw ay hinde mo na mamalayan na nabulag ka na sa anino ng ibang tao at hinde mo na makita ang sarili mo sa kadiliman na nakukublihan ng mga anino. Walang masamang maghangad na maging katulad ng ibang tao sapagkat ito ang nagiging dahilan para gumawa tayo ng bagay na makakapagpaunlad sa ating sarili, ngunit at paghanga sa ibang tao ay isa lang gabay para gumawa ka ng sarili mong pagkatao.

"Ang lahat ay magagawa mo katulad ng ibang tao kung susundin mo ang sarili mo at iisipin ang kapakanan ng ibang tao" , kung sa inaakala mo na masaya ka sa mga gagawin mo, gawin mo ngunit isipin mo muna kung may masamang epekto ba ito sa ibang tao, at sa sarili mo. Kung WALA! magaling!! magiging panatag ang loob mo at bubuti ang pakisama mo sa mundo!

May mga ilang akong nabasa sa internet na naayon sa aking isinulat:

"Accept everything about yourself--I mean everything, You are you and that is the beginning and the end--no apologies, no regrets."
-Clark Moustakas-

"Be what you are. This is the first step towards becoming better than you are."
-J. C. Hare & A. W. Hare (Guesses at Truth: Second Series)-

The greatest success is successful self-acceptance.
- Ben Sweet -

It is rewarding to find someone you like, but it is essential to like yourself. It is quickening to recognize that someone is a good and decent human being, but it is indispensable to view yourself as acceptable. It is a delight to discover people who are worthy of respect and admiration and love, but it is vital to believe yourself deserving of these things.
- Jo Coudert -